+7 (777) 001 44 99
Қазақша
Русский
English
Алматы – Астана бағыты бойынша KC 641 рейсін орындаған Air Astana әуе компаниясының ұшағы діттеген жеріне жете бергенде ұшып шаққан әуежайға оралуға мәжбүр болды, деп хабарлайды Tengri Travel.
Әуекомпания баспасөз қызметі рейстің кері қайту себебі қолайсыз ауа райы болғанын растады.
"Астана мен Қарағандыдағы қолайсыз метеожағдайларға байланысты бүгін Алматы – Астана бағыты бойынша KC 641 рейсін орындаған ұшақ Алматыға кері қайтты", – деп хабарлады Air Astana баспасөз қызметі.
Әуекомпания мәліметінше, KC 641 рейсінің ұшуы жақын уақытта жоспарланып отыр.
Айта кетейік, маусым айының соңында да бір рейс Шымкентке қона алмай қалған еді. Ол кезде Алматы – Шымкент бағытымен ұшқан ұшақтың терезесінен жолаушылар күшті найзағайды видеоға түсіріп алған болатын.
Тағы оқыңыз: Астана әуежайындағы тұрақта жаңа тарифтер 1 тамыздан бастап күшіне енеді
+7 (777) 001 44 99
