+7 (777) 001 44 99
Оңтүстік астана әуежайында Фукуок – Алматы бағытындағы рейстен ұшақ командирінің актісі бойынша жолаушы түсірілді. Бұл туралы Көліктегі полиция департаменті мәлімдеді, - деп хабарлайды Tengrinews.kz тілшісі inAlmaty.kz сайтына сілтеме жасап.
"Алматының 42 жастағы тұрғыны ұшу кезінде мас күйінде өзін әдепсіз ұстаған, экипаждың талаптарын орындамаған, былапыт сөздер айтқан және ұшақ бортында темекі шеккен", – деп мәлімдеді полиция.
Тәртіп бұзушыға қатысты келесі әкімшілік хаттамалар толтырылды:
- қоғамдық орындарда мас күйінде жүру,
- әуе кемесі бортында темекі шегу,
- ұсақ бұзақылық жасау,
- әуе кемесінде тәртіп ережелерін бұзу.
Іс сотқа жіберілді. Сот шешімі бойынша, алматылық азамат бес тәулікке қамауға алынды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
