+7 (777) 001 44 99
Қазақстанның кәуабы кеңес кезіндегі кәуапты еске түсіреді, себебі етті маринадтау үшін сірке суы мен пияз қолданылатын. Тұрғындар бұл тағамды балалық шағымен байланыстырады және оны жеу үшін адамдар базарларға арнайы баратын еді. Әрине, уақыт өте келе нешетүрлі тұздығы бар кәуаптың көптеген түрі ұсынылатын болды, кәуапты сірке суында ғана емес, айран мен минералды суда маринадтау қолданыла бастады. Кәуапқа негізінен қой, үйрек немесе тауық еті қолданылады.
Кәуапты түрлі тұздықтармен, балғын көкөністер және пита нанымен жеу ұсынылады, себебі олар кәуапқа өте жақсы дәм қоса түседі.
Сондай-ақ, Алматыда грузин кәуабының алуан түрі бар екенін атап өту маңызды. Оның айырмашылығы – аспаздар сиыр етін немесе бұзау етін пайдаланғанды жақсы көреді, маринадта сірке суын қолданбай, оның орнына дәмдеуіштер қосады, сондықтан, ерекше, басқа дәм шығады. Біздің Алматыда кәуап жеуге болатын ең танымал орындарды таңдап ұсынамыз.
"Киров көшесіндегі кәуап"
Мекенжайы: Бөгенбай батыр көшесі, 72.
Бұл мекеме талғампаз ортаны қажет етпейтіндерге арналған. Бұл жерге кәуап жеу үшін келеді, әрине нан мен тұздықтарға, салатқа тапсырыс беруге болады. Мұнда сіз қой, үйрек, тауық етінен әзірленген кәуапқа, люля-кебабқа антрекот пен бекіреге және отқа пісірілген көкөніс пен шұжыққа, саңырауқұлаққа тапсырыс бере аласыз.
"Егер сіз жергілікті тұрғындар арасында ең танымал мекемеге барғыңыз келсе, осы орынды таңдауыңызға әбден болады. Жаз мезгілінде демалыс күндері мұнда адам өте көп болады, сондықтан ұзағырақ күтіп қалуыңыз мүмкін", - деп жазады белсенді келушілер.
"Пастер-Смайлдағы кәуап"
Мекенжайы: Мақатаев көшесі, 29.
Егер қандай да бір мекемені "кәуап храмы" деп атауға болатын болса, онда бұл "Пастер-Смайлға" туралы. Мекеме балық, қой, сиыр, тауық, күркетауық және үйрек етінен әзірленетін кәуаптың 20-дан астам түрін ұсынады. Мекеме екі қабатты ғимаратта орналасқан және бірнеше залы бар.
"Мұнда сіз дәмді түскі және кешкі ас іше аласыз, сондай-ақ кез-келген мерекені ойыңыздағыдай жақсы атап өтуге болады", - деп жазады қала тұрғындары мен қонақтары.
Shipudim
Мекенжайы: Желтоқсан көшесі, 81.
Shipudim "кеңестік" кәуап рецептін ұстанады, клиенттерге "базардағыдай" кәуап жеу арқылы балалық шақты еске түсіруге мүмкіндік береді. Бұл мекеменің бүкіл қала бойынша бірнеше филиалы бар, ал біз көрсеткен мекенжай орталыққа жақын орналасқаны. Мәзірде армян рецепті бойынша әзірленген по-карски кәуабы бар. Қой, балық, үйрек еті және шампиньоннан әзірленген кәуаптардың бірнеше түрі бар.
Асхана клиенттері бұл жерде және филиалдарында әркезде адам көп болатынын айтады.
"Чачапури" кафесі
Мекенжайы: Қастеев көшесі, 15.
Егер сізге музыка мен мерекелік атмосферасы бар нағыз шығыс кафесі қажет болса, осында келуге болады. Мұнда кәуаптың 23 түрі ұсынылады: құс еті, қой еті, көкөністер қосылған кәуаптар. Бірақ басымдық қой етінен жасалған тағамдарға беріледі. Кәуаптар ағаш ыдыста ұсынылады. Кафе жайлы отбасылық атмосферасы мен заманауи музыкасы үшін тартымды.
"Мимино" мейрамханасы
Мекенжайы: Жуков көшесі, 122 (Тау алыбы), Орбита ш.а. 1,6.
"Миминода" қой еті, сиыр еті, бекіре, тауық және шошқа етінен әзірленген кәуаптың 15 түрі бар. Мұндағы фирмалық тағамдар ассортименті ерекше, сондай-ақ филе, қабырға және антрекот кәуабы бар. Ерекше кәуап қатарында дәмі ащы шығыс кәуабы "аджи-кәуап" пен грузиннің люля-кебабы бар. Клиенттер кафенің үлкен аумағын, бар аймағы мен балконының және жазғы терассасының болуын айрықша мақтайды.
