Алматыда “Медеу“ мен “Шымбұлаққа“ апаратын жол уақытша жабылады

Алматы полиция департаменті мәліметінше, 29 наурызда халықаралық іс-шаралардың өткізілуіне байланысты қозғалысқа шектеулер енгізіледі, - деп хабарлайды Tengrinews.kz тілшісі.

Көлік қозғалысына түзетулер енгізілетін учаскелер:

• Майлин көшесі,
• Құлжа тасжолы,
• Бұқтырма көшесі,
• Шығыс айналма автожолы
• Әл-Фараби даңғылы
• Достық даңғылы
• Жароков көшесі
• Абай даңғылы
• Сәтпаев көшесі
• Назарбаев даңғылы

Сонымен қатар, сағат 00:00-ден 14:00-ге дейін "Медеу" биік таулы спорт кешеніне және "Шымбұлақ" биік таулы шаңғы курортына жол жабылады және кіруге тыйым салынады. Тек жергілікті тұрғындардың көліктеріне ғана рұқсат беріледі.

Жүргізушілерге алдын ала маршруттарды жоспарлап, кептелістерден аулақ болу ұсынылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!