+7 (777) 001 44 99
Алматы – Камран (Вьетнам) бағыты бойынша рейсті орындаған ұшақ әуеде бірнеше сағат ұшқаннан кейін ұшып шыққан әуежайға оралуға мәжбүр болды, - деп хабарлайды Tengrinews.kz тілшісі.
Авиациялық сервистердің деректеріне сүйенсек, Air Astana әуекомпаниясының ұшағы 3 сағат 28 минут ұшқан, осыдан кейін Алматыға қонды.
FlightAware
Желіде оқиғаның себебі техникалық ақаудан деген ақпарат тарады.
"28 наурызда Алматы–Нячанг бағыты бойынша КС193 түнгі рейсін орындаған Air Astana ұшағы техникалық себеппен Алматы әуежайына мәжбүрлі түрде қонды. Терминалда рейсті күту кезінде жолаушыларға ыстық тамақ пен сусындар, қалауы бойынша трансфер және қонақүйге орналастыру ұсынылды. Жолаушылар басқа әуе кемесімен баратын жеріне сағат 07:15-те ұшты. Рейс кешіккені үшін жолаушылардан кешірім сұраймыз", - деп жауап берді Air Astana өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
