+7 (777) 001 44 99
Астана – Ақтөбе рейсінен екі қазақстандық түсірілді. Ер адамдар ұшаққа отырғызу кезінде шу шығарып, балағат сөздер айтқан, - деп хабарлайды Tengrinews.kz тілшісі.
Оқиға туралы көлік полициясы департаментінің баспасөз қызметі мәлім етті. Оқиға 15 қыркүйекте Астана әуежайында болған. Ақтөбенің 38 және 40 жастағы екі тұрғыны рейске жіберілмеді.
"Отырғызу кезінде екеуі де мас күйде болды, агрессивті әрекет етіп, экипаж талаптарын орындамады және әуе компаниясы қызметкерлеріне балағат сөздер айтты. Жағдайды анықтау барысында ер адамдар полицейлерге бағынбады, сол себепті кісен қолдануға тура келді", – делінген баспасөз қызметінің хабарламасында.
Көлік полициясы департаментінде құқықбұзушыларға Әкімшілік құқықбұзушылық туралы кодекстің үш бабы бойынша әкімшілік хаттама толтырылғанын нақтылады: полицейдің заңды талабына бағынбау, ұсақ бұзақылық және қоғамдық орында алкогольдік мас күйде жүру.
Сот шешімі бойынша, олардың біріне 206 мың теңге айыппұл салынса, екіншісі 15 тәулікке әкімшілік қамауға алынды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
