Бангкокқа Қазақстаннан тікелей рейстерді жаңарту жоспарланып отыр

Таиланд астанасы Бангкокқа рейстерді 2022 жылдың күзінде қайта бастау жоспарланған. Бұл туралы Air Astana әуекомпаниясының сату жөніндегі директоры Ислам Секербеков Қазақстандағы Туристік қауымдастық ұйымдастырған туркомпаниялармен онлайн-кездесуде айтты, - деп хабарлайды Kaz.tengritravel.kz тілшісі.

"Бангкокқа рейстерді қалпына келтіру жоспарланды. Таиландтың SandBox және Test & Go бағдарламаларының жаңартуларын қадағалап отырмыз. Менің ойымша, бұл жазда болмайды, бірақ қысқы навигациямен, 2022 жылдың қазан-қарашасынан бастап болып қалар. Жазда біз жаңартулар мен коронавирус шектеулерін қадағалап, қысқы навигация туралы шешім қабылдаймыз", - деді ол.

Ислам Секербеков Америка Құрама Штаттарына рейстердің ашылуын қашан күту керегін де түсіндірді.

"Әуекомпаниялар мен АҚШ-қа ұшу үшін сәйкес келетін елдер үшін бірқатар фактор бар. Мемлекет тарапынан техникалық жұмыстар жүргізілді. Енді рейстер жасай алатын борттардың жеткілікті саны мен дайындығы туралы мәселе туындайды. Біз АҚШ-қа рейстер ашуды әрдайым жоспарлап отырмыз деп айта аламын", - дейді ол.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!