+7 (777) 001 44 99
Денсаулық сақтау министрлігінің Санитариялық-эпидемиологиялық бақылау комитеті Жаңа жылды шетелде қарсы алуды жоспарлап отырған қазақстандықтарға үндеу жасады, - деп хабарлайды Tengrinews.kz тілшісі.
Мамандар демалыс кезінде денсаулыққа қауіп төндірмеу үшін бірқатар қарапайым, бірақ маңызды сақтық шараларын ұстануға кеңес береді. Әсіресе жұқпалы аурулар жиі кездесетін елдерге барар алдында сол аймақтағы эпидемиологиялық жағдаймен алдын ала танысып, қауіп деңгейін бағалау қажет.
Санитариялық дәрігерлер тек қайнатылған немесе бөтелкедегі суды ішуге, тамақтанар алдында қолды сабынмен мұқият жууға шақырады. Сондай-ақ толық термиялық өңдеуден өткен тағамдарды ғана тұтынып, шикі көкөніс, жеміс-жидек пен теңіз өнімдерінен бас тарту ұсынылады. Көшедегі тағамдарға абай болып, тек сенімді дәмхана мен мейрамханаларды таңдаған жөн.
Бұдан бөлек, жануарлармен, соның ішінде үй және қаңғыбас жануарлармен байланыстан аулақ болу керек. Денсаулық жағдайы нашарлап, іш өту, құсу немесе әлсіздік сияқты белгілер пайда болған жағдайда дереу дәрігерге қаралу қажет.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
