Енді Түркістан тұрғындары жиі ұшатын болады: жаңа рейстер - кесте

Түркістан бағытындағы әуе рейстерінің саны артады, - деп хабарлайды Tengritravel.kz тілшісі.

ҚР Көлік министрлігі мәліметінше, Түркістан туристер үшін де, Қазақстанның түрлі өңірлерінің тұрғындары үшін де қолжетімді бола түсті.

"Qazaq Air әуекомпаниясы әуе сапарларының қолжетімділігін арттыру және ішкі туризмді дамыту мақсатында 4 қаңтардан бастап Қостанай – Түркістан бағыты бойынша және 13 қаңтардан бастап Қарағанды – Түркістан бағыты бойынша Түркістанға екі субсидияланатын әуерейстерін іске қосты. Сондай-ақ, 13 қаңтардан бастап Астанадан Түркістанға әуе сапарларын бастау жоспарланған", - делінген хабарламада.

Жаңа маршруттар: кесте және құны

Қостанай-Түркістан

Рейстер аптасына 2 рет дүйсенбі және сенбі күндері орындалады:

• IQ 361 Қостанай (15: 00) – Түркістан (17:20)
• IQ 362 Түркістан (17:50) - Қостанай (20: 00).

Субсидияланатын әлеуметтік маңызы бар әуерейстерінің құны бір бағытта 31 000 теңге болады.

Қарағанды-Түркістан

Рейстер аптасына 2 рет орындалады:

• Дүйсенбі күндері:
  IQ 441 Түркістан (09:50) - Қарағанды (11:40)
  IQ 442 Қарағанды (12:20) – Түркістан (14: 00)
• Сәрсенбі күні:
  IQ 441 Түркістан (12:10) – Қарағанды (14: 00)
  IQ 442 Қарағанды (14:40) – Түркістан (16:40).
  Субсидияланатын әуерейстерінің құны бір бағытта 20 000 теңгені құрайды.

Астана-Түркістан

Рейстер аптасына 2 рет орындалады:

• Дүйсенбі күндері:
  IQ 369 Астана (07:05) - Түркістан (09: 05)
  IQ 370 Түркістан (14:40) – Астана (16:55)
• Сәрсенбі күні:
  IQ 369 Астана (09:50) - Түркістан (11:40)
  IQ 370 Түркістан (17:20) – Астана (19:20).

Субсидияланатын әлеуметтік маңызы бар әуе рейстерінде 14 жасқа дейінгі балаларға әуекомпания 50 пайыз көлеміндегі жеңілдік ұсынады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!