"Гавайи ма? Жоқ, бұл - Ақтау". Қазақстандықтарды ерекше көрініс таңғалдырды

Ақтау тұрғыны теңіз жағасында күннің батып бара жатқанын видеоға түсіріп көрсетті. Әлеуметтік желі қолданушыларын ерекше әдемі көрініс таңғалдырды, - деп хабарлайды Tengritravel.kz тілшісі.

Күні кеше видеоға түсірілген Ақтаудағы көрініс қазақстандықтарды баурап алды. Кейбір қолданушылар мұндайды бұрын-соңды көрмегенін жазған. Әбділ Болатбек есімді жігіт күн батып бара жатқан сәтте Каспий теңізінің жағалауына серуенге шығып, әдемі көріністі Желіде бөліскен. Су бетіне шағылысқан алуын түрлі күн сәулесі көздің жауын алады.

Желі қолданушылары мұндайды бұрын-соңды көрмегендерін атап өтті. Пікір қалдырғандардың бірі бұл Ақтау емес, тіпті Aktau емес, Гавайи екенін жазған. Біз видео авторынан бейненің өңделіп-өңдемелмегінін сұрап көрдік. Әбділ түстерді түзетуді қолданғанын жасырмайды, бірақ оның айтуынша, шамалы ғана.

Саяхат қызықтары мен пайдалы ақпаратты Instagram және Facebook парақшаларынан оқи аласыз!