+7 (777) 001 44 99
"Бурабай" ұлттық паркінде сілеусін видеоға түсіп қалды, - деп хабарлайды Tengritravel.kz тілшісі.
Видео ұлттық парктың ресми Instagram-парақшасында жарияланды.
"Қыста бұл көрікті әрі сүйкімді жыртқышты кездестіру – үлкен сиректік. Сілеусін ашық түсті жүні арқасында орманмен үйлесіп кетуі мүмкін. Сілеусіндер жалғыз өмір сүреді және өз аумағын белгілейді. Қыста сілеусіндердің негізгі азығы – сүтқоректілер, еліктен бастап дала тышқандарына дейін, әсіресе қояндарды жейді", – деп хабарлайды басылым.
Посттың астында пікірлер қалдырылған, әлеуметтік желі қолданушылары жануардың ірі екенін атап өтті.
"Қандай үлкен", "Ұзақ өмір сүрсін, сұлуымыз", "Неткен керемет", "Тамаша көрініс", – деп жазды адамдар пікірлерде.
Парктің мәліметінше, қазіргі уақытта оның аумағында 48 сілеусін мекендейді.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
