Қазақстан "Таиланд бәсекелесімен" визасыз режим келісіміне қол қойды

Қазақстан мен Вьетнам екі елдің азаматтары үшін визалық режимді жеңілдету мақсатында үкіметаралық келісімге келді, - деп хабарлайды Tengritravel.kz тілшісі.

Қазақстан Президенті Қасым-Жомарт Тоқаевтың Вьетнамға ресми сапары кезінде осындай құжатқа қол қойылды.

"Азаматтар - төлқұжат иегерлері, мерзімінің өтуіне кемінде 6 ай уақыт бар болса, шекараны асқан соң 30 күнге дейін бір реттік не сан мәрте кіру, шығу, транзиттік, басқа елдің аумағында уақытша болу кезінде визалық талаптардан босатылады", - делінген хабарламада.

Айта кетейік, Вьетнам туристер арасында танымал бағыттардың бірі. Азиялық елдер арасында Вьетнам Таиландтың тікелей бәсекелесі. Баға саясаты өте тиімді, аз қаражатпен де демалу мүмкіндіктері қарастырылған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!