Қазақстанда ауа райына байланысты 700-ден аса адам жабық жолдардан пойызбен тасымалданды

Ауа райының қолайсыздығынан бірнеше өңірде тасжолдар ішінара жабылды. Соның салдарынан 700-ден астам адам жабылған жолдардан пойыздармен тасымалданды, - деп хабарлайды Tengritravel.kz тілшісі.

Адамдарды тасымалдау Сарыбел, Макинка, Ельтай, Ақкөл, Ерментау, Екібастұз және Курорт-Бурабай станцияларынан ұйымдастырылды. Мұндай мәліметтерді "Жолаушылар тасымалы" АҚ баспасөз қызметі ұсынды.

"Жолаушыларды тасымалдау жұмыстары жалғасып жатыр. Компания қолайсыз ауа райы жағдайында азаматтарды сақтық шараларын сақтауға және аса қажеттілік болмаса сапардан бас тартуға шақырады", – деп хабарлады баспасөз қызметі.

Естеріңізге сала кетейік, бұған дейін Щучинск қаласынан шығаберісте 260 көлік құралының тұрғаны хабарланған болатын. Қалалық жылыту пунктіне құтқарушылар 73 адамды, соның ішінде 29 баланы эвакуациялаған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!