Қазақстанда жеке ұшақпен ұшу қанша тұрады?

Жеке ұшақтар – жылдам, ыңғайлы әрі жайлы әуе тасымалының заманауи түрі. Олар жолаушыларға әуежайдағы ұзын-сонар кезектен, рейстің кешігуінен және коммерциялық әуе желілерінің стандартты шектеулерінен құтылуға мүмкіндік береді. Tengritravel.kz Қазақстанда жеке ұшақтарды жалға алу құны, сұранысқа ие бағыттар, бағаға әсер ететін факторлар және қолжетімді ұшақ үлгілері туралы зерттеді.

Қазақстандағы ішкі рейстер бағасы

Қазақстан ішінде жеке ұшақты жалға алу бағасы 10 000 доллардан басталады. Төменде ең танымал бағыттар мен олардың орташа құны көрсетілген:

• Астана – Алматы (1 сағат 40 минут) – 14 000 доллар (≈7 042 000 теңге)
• Астана – Қостанай (1 сағат) – 12 000 доллар (≈6 036 000 теңге)
• Астана – Ақтөбе (2 сағат) – 24 000 доллар (≈12 072 000 теңге)
• Алматы – Шымкент (1 сағат 10 минут) – 12 000 доллар (≈6 036 000 теңге)
• Астана – Өскемен (1 сағат 30 минут) – 18 000 доллар (≈9 054 000 теңге)
• Алматы – Павлодар (1 сағат 35 минут) – 14 000 доллар (≈7 042 000 теңге)
• Астана – Қызылорда (1 сағат 30 минут) – 20 000 доллар (≈10 060 000 теңге)

Бұл бағалар тек шамамен алынған және түрлі факторларға байланысты өзгеруі мүмкін.

Халықаралық рейстер бағасы

Қазақстаннан халықаралық бағыттарға ұшу құны әлдеқайда жоғары. Жеке ұшақты жалға алу 40 000 доллардан басталып, 160 000 еуроға (≈87,7 миллион теңге) дейін жетуі мүмкін.

Орташа бағалар мынадай:

• Астана – Дубай – 35 000 доллар (≈17 605 000 теңге)
• Астана – Лондон – 40 000 доллар (≈20 120 000 теңге)
• Алматы – Милан – 40 000 доллар (≈20 120 000 теңге)
• Алматы/Астана – Мәскеу – 69 000 еуро (≈37 812 000 теңге)
• Алматы/Астана – Париж – 65 000 еуро (≈35 620 000 теңге)
• Алматы/Астана – Токио – 130 000 еуро (≈71 240 000 теңге)
• Алматы/Астана – Гонконг – 140 000 еуро (≈76 720 000 теңге)
• Алматы/Астана – Сингапур – 150 000 еуро (≈82 200 000 теңге)

Барлық көрсетілген бағалар шамамен алынған, нақты құнын әуе компанияларынан тікелей білуге болады.

Жеке ұшақтарды жалға алу құнына әсер ететін факторлар

Жеке рейстің бағасына бірнеше фактор тікелей әсер етеді:

Ұшақ түрі

Әуе кемесінің үлгісі мен жайлылығы оның құнына әсер етеді. Мысалы:

• Embraer Legacy 600 – 5800–6800 еуро (≈3 178 400 – 3 726 400 теңге)/сағатына
• Gulfstream G550 – 7400–10 200 еуро (≈4 055 200 – 5 589 600 теңге)/сағатына
• Bombardier Challenger 300 – 5400–6500 еуро (≈2 959 200 – 3 562 000 теңге)/сағатына.

Ұшу қашықтығы

Қысқа рейстер кейде ұзақ рейстерден қымбат болуы мүмкін, себебі әуе кемесін дайындау шығындары негізгі тарифтен асып кетуі ықтимал.

Жолаушылар саны

Әрбір қосымша жолаушы үшін шамамен 1000–1500 еуро (≈548 000 – 822 000 теңге) төленеді.

Ұшақтың тұрақтау уақыты

Әуежайда бір күн тұрақтау орта есеппен 2000 еуро (≈1 096 000 теңге) тұрады.

Қосымша қызметтер

Тапсырыс берушінің қалауы бойынша қосымша қызметтер көрсетіледі:

• VIP-трансфер (әуежайға дейін және кейін);
• Медициналық рейстер;
• Қыс мезгілінде мұзға қарсы өңдеу;
• Борттағы қосымша жайлылық қызметтері.

Қорытынды

Қазақстанда жеке ұшақты жалға алу – ыңғайлы, бірақ қымбат қызмет. Ол көбінесе бизнесмендер, саясаткерлер, жұлдыздар мен ауқатты саяхатшылар арасында танымал. Баға ұшу бағытына, ұшақ үлгісіне, қосымша қызметтер мен әуежай алымдарына байланысты өзгеріп отырады. Егер сізге нақты есептеу қажет болса, әуе компанияларының өкілдерімен тікелей байланысу ұсынылады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!