Қазақстанда төлқұжат өзгереді

Қазақстан төлқұжатында қар барысының бейнесі пайда болады. Бұл туралы Үкімет отырысында белгілі болды, - деп хабарлайды Tengrinews.kz тілшісі.

Ішкі істер министрінің міндетін атқарушы Бауыржан Әленовтың айтуынша, ведомство ұлттық төлқұжаттың қорғаныс деңгейін арттыру бағытында жұмыс жүргізіп жатыр.

"Біздің азаматтар визасыз 43 елге бара алады. Төлқұжат барлық халықаралық стандартқа сай, қажетті қорғаныс элементтерінің бәрі бар. Қазір қосымша қорғаныс деңгейлерін енгізу мәселесін қарастырып жатырмыз", – деді Әленов.

Сурет: ІІМ презентациясынан алынған скрин

Қазақстандық төлқұжаттың жаңа нұсқасы қандай болатыны көрсетілді. Суретте мемлекеттік символдар, спорт клубтары мен ұйымдарда жиі көрініс табатын барысты көруге болады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!