+7 (777) 001 44 99
Қазақстандық саяхатшы Эльдар Алматы облысының тауларында маралдарды дрон арқылы түсіріп алған. Бейнежазба желіде жарияланды, - деп хабарлайды Tengritravel.kz тілшісі.
Саяхатшының айтуынша, бейнежазбаны 29 қыркүйекте түсірген. Таңертең ерте тауға арнайы барып, осы сәтті күткен. Ол Іле-Алатау ұлттық паркі аумағында маралдарды байқап, кадрға алып үлгерген.
"Таңғы сағат 5-те видеоға түсіруге бардық. Қазір маралдардың күйлеу кезеңі, сондықтан жануарларды таңертең ерте немесе күн батқаннан кейін кездестіру мүмкіндігі жоғары", – деді Эльдар.
Видеографтың айтуынша, күйлеу кезінде маралдарды тауда жиі көруге болады, алайда ол нақты түсірілім орнын ашып айтпады.
Іле-Алатау ұлттық паркінің мәліметінше, қорғалатын аумақта 600-ден астам марал мекендейді. Жануар Қызыл кітапқа енбеген, бірақ мемлекет қорғауында.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
