Қазақстанға келген туристер орта есеппен 5 күн болады - зерттеу

Қазақстанға келген туристер орта есеппен 5 күн болады. Бұл туралы Ұлттық статистика бюросы мәлімдеді, - деп хабарлайды Tengritravel.kz тілшісі.

Шетелдіктер Қазақстанға көбіне не үшін келеді?

Ұлттық статистика бюросы 2025 жылғы қаңтар-шілде аралығына зерттеу жүргізген. 24 мың шетелдіктің 73,1 пайызы Қазақстанға жеке мақсатпен келсе, қалған 26,9 пайызы іскерлік мақсатпен келген.

Қай өңірлерге жиі барады?

Туристердің жартысынан астамы 25 пен 44 жас аралығында.

Ең көп турист Астана, Алматы қалаларына және Маңғыстау облысына барған. Туристердің 32,5 пайызы курорттық аймақтарды аралаған. Олардың ішінде ең көп баратын орындар - Алматы тау кластері және Маңғыстау өңірі.

Саяхат қызықтары мен пайдалы ақпаратты Instagram және Facebook парақшаларынан оқи аласыз!