Қазақстанның оңтүстігінде сирек кездесетін аң фототұзаққа түсіп қалды

Қаратау мемлекеттік табиғи қорығында орнатылған фототұзақтардың біріне сирек кездесетін Үнді жайрасы (Hystrix indica) түсіп қалды, - деп хабарлайды Tengritravel.kz тілшісі.

Бұл жануар кеміргіштер отрядына (Rodentia), жайратектестер тұқымдасына (Hystricidae) жатады, Қазақстанның IV санаттағы сирек әрі аз зерттелген түрі.

"Мекені - тау шатқалдары, қыратты-жартасты жерлер және тау етектері. Көбіне түнде белсенді болады. Ең қызығы - денесінде мыңдаған ине болса да, олардың жалпы салмағы бар болғаны 100 граммдай. Аяқтары қысқа, бірақ ін қазуға арналған тырнақтары өте мықты", - делінген хабарламада.

Саяхат қызықтары мен пайдалы ақпаратты Instagram және Facebook парақшаларынан оқи аласыз!