“Лондонда мұндайды таппайсыз“. Алматы ұлыбританиялық саяхатшыны несімен таңғалдырды

Шетелдік саяхатшылар Қазақстанға жиі сапарлайтын болды. Бұл жолы Алматыға лондондық тревел-блогер Джорджиана Дэвис келді. Тауда бір апта болып, жылқы етінен дәм татып, Көк базарды аралаған ұлыбританиялық қыз бұл жақтағы демалыстың әлдеқайда қолжетімді әрі ерекше екенін айтады. Ол өз әсерін бөлісті, деп хабарлайды Tengri Travel.

Неге Қазақстан?

Мамандығы бойынша лингвист Джорджиана университетте орыс тілін оқып, бұл оның бұрынғы кеңестік кеңістікке деген қызығушылығын оятқан. Былтыр Өзбекстанға сапарынан кейін Қазақстан оның басты мақсатына айналыпты.

"Мен Қазақстанға бардым, өйткені мені Орталық Азия елдері таңғалдырады. Сондай-ақ мен табиғатты жақсы көремін және Қазақстанда ғажайып шатқалдар мен көлдер бар екенін естідім", - дейді саяхатшы.

Фото: instagram.com/@hrhgeorgiana

Алматы, тау мен шатқалдар

Джорджиананың бір апталық саяхаты Алматының түнгі өмірінен бастап, Шарын шатқалына дейін жалғасқан. Ол Қайыңды мен Көлсайда болып, Шымбұлаққа көтерілген. Блогер Қазақстан қысқы демалыс бағыты ретінде тиісті бағасын алмай жүр деп есептейді.

"Тау шаңғысы" дегенде Қазақстан бірден ойға келетін жер емес екені анық. Бірақ бұл бекер! Мұнда Еуропаға қарағанда әлдеқайда арзан. Таңертең оянып, қонақүй терезесінен тауларды көру керемет әсер сыйлады. Лондонда мұндайды кездестірмейсің! Мен міндетті түрде қайтып келгім келеді. Алматы маған ерекше көрінді, мен онда қуана-қуана бір-екі жыл тұрар едім", - деді Джорджиана.

@hrhgeorgiana Let’s go skiing at the largest ski resort in Central Asia. This is Shymbulak in Kazakhstan; a 40-minute journey from Almaty’s city centre at 2200m above sea level. Kazakhstan probably isn’t the first place you think of for a ski holiday, but it should be because it’s far cheaper than Europe. A half-day pass is £25, and ski hire only £12 - but the process was chaotic and half the helmets were broken. Despite poor visibility and an avalanche earlier that morning, I still wanted to see what the skiing was like. I’ve skied in France and Italy; the skiing culture here is chaotic because people often skip lessons and head straight for red runs so end up falling over all over the slopes. Shymbulak is a 30-minute taxi from the centre followed by a gondola to the slopes. There are 25km of runs, mostly red and black. Only a few were open when I went, including a wide red that felt closer to a steep blue in Courchevel. I visited on a Tuesday and the slopes were far quieter than the Alps. The resort was discovered by amateur skiers in the 1940s. By 1983 it had lifts and became the Olympic training centre for the USSR. Today you can stop halfway up the mountain for a pastry at Paul, drink hot chocolate with marshmallows, or take a photo with an eagle while wearing traditional Kazakh clothing. #kazakhstan #solotrip #kazakhstan🇰🇿 #skiing #shymbulak ♬ Cooking, bossa nova, adults, light(950693) - Kids Sound

Блогер көлдерді басқа маусымда көріп, атқа міну және Астанаға бару үшін жазды қайтып келгісі келетінін айтты.

"Мен жазда қайта келіп, көлдерді көргім келеді, атқа мінгім келеді және Астанаға барғым келеді. Сондай-ақ жүзім алқаптарына барғым келеді, өйткені мен қазақстандық шараптың дәмін татып көрдім, ол керемет екен!" - деді турист.

Жылқы еті мен табиғи дәм

Британдық қыздың Алматыдағы супермаркетке баруы желі қолданушыларының назарын аударды. Оның оқырмандарын қымыз, шұбат және тан құйылған бөтелкелер қызықтырды. Табиғи газдалуына байланысты сусындар ашылған кезде қатты көпіршіп шықты.

"Ұлыбританияда мұндай ештеңе таппайсыз. Сондықтан мұны алғаш рет татып көру өте қызықты болады", - деді ол.

@hrhgeorgiana Kazakhstan supermarket shopping, trying and finding local products including meant caramel milk, fermented white bread drink and horse meat sausage 👀 ##kazakhfood##russianfood##kazakhstan🇰🇿##tastetest##solotravel ♬ What Floor? - idokay

Ең басты гастрономиялық жаңалық - жылқы еті.

"Бұл - қазақ мәдениетінің дәстүрлі бөлігі. Мен әрқашан жаңа нәрсені байқап көруге дайынмын. Бұл менің алғашқы тәжірибем болды және ол өте сәтті шықты. Дәмі сәл ерекше, киік етін еске түсіреді", - деп шетелдік қыз өз әсерін бөлісті.

@hrhgeorgiana Trying food from a supermarket in Kazakhstan. Fermented camel milk, horse meat, caviar and salted tomatoes #kazakhfood #russianfood #kazakhstan🇰🇿 #tastetest #solotrip ♬ Sakura-lined street - KCNX

Блогер сонымен қатар дәстүрлі тағамдарды жоғары бағалап, қазақ асханасы ол үшін күтпеген жерден қызықты болғанын жеткізді.

Блогер құр қол кетпеуді ұйғарған: Көк базардан кептірілген жемістер мен маринадталған саңырауқұлақтар сатып алды. Саяхатшы сонымен қатар Әбілхан Қастеев атындағы Мемлекеттік өнер музейіне барды.

Желідегі реакция

Қазақстан туралы контент блогердің аудиториясына өте ұнаған. Оқырмандар көргенін қызу талқылады. Кейбіреуі жылқы етін жеу тәжірибесін бөліссе, басқалары Қазақстандағы туыстары туралы айтты, ал кейбірі оның маршрутын қайталау идеясына қызығушылық танытты.

Блогердің айтуынша, сапар өте жылы әсер қалдырып, қайтып келуге деген ниетін оятқан.

"Оқырманыма бәрі қатты ұнады және көбі менің видеоларымды тамашалағаннан кейін Қазақстанға бару туралы ойланатындарын жазды. Мен мұны күтпеген едім, бірақ контент менің тамаша уақыт өткізгенімді көрсетеді деп ойлаймын, адамдар бұдан шабыттанды!" - деп түйіндеді ол.