+7 (777) 001 44 99
Маңғыстау облысындағы "Қызылсай" паркінде қабылан фототұзаққа түсіріп алды. Ұйымдағылардың айтуынша, аумақта мұндай жыртқыштың тек біреуі ғана мекендейді, - деп хабарлайды Tengrinews.kz тілшісі.
"Қызылсай" табиғи паркінде кадрлардың 1 шілдеде түсірілгені айтылды. Алайда ұйым олар туралы тек қазір хабарлауды жөн көрген. Парктің аумағында қабылан 2022 жылдан бері фототұзақтарға түсіп келеді.
Қазақстанда қар барысы мен қабыланды зерттеу және сақтау бойынша халықаралық трансшекаралық бағдарлама жүзеге асырылып жатыр. Парктің ғылыми бөлімінің қызметкерлері қабыланның қозғалыс жолдарын, оралу уақытын және маусымдық белсенділігін бақылап, біртіндеп жаңа деректер жинап жатыр.
Жануар Қазақстанның Қызыл кітабына енген.
"Қабыланның өңірде пайда болу себептерінің бірі – оның қоректік базасының көбеюі, яғни үстірт арқары мен джейран санының артуы", – деді парк өкілдері.
Фото: "Қызылсай" табиғи паркі
"Қызылсай" паркінің маманы Боранбаевтың айтуынша, бұл қабылан – Маңғыстау облысындағы жалғыз түр.
"Парк аумағында тек бір ғана қабылан бар. Қазір оны үш елде – Қазақстан, Қырғызстан және Түркіменстанда зерттеу бойынша бірлескен жоба жүзеге асырылып, оған "Қызылсай" да қатысып жатыр. Бұл – еркек қабылан. Ұрғашылары Түркіменстан аумағында мекендейді: ол анда-санда сол жаққа кетіп, кейін Үстірт қорығы арқылы қайта оралады. Маңғыстауда фототұзаққа түскен қабыланның барлығы – осы дараққа тиесілі", – деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
