Маңғыстау полицейлері малайзиялық туристерге көмектесті

Маңғыстау полицейлері Малайзиядан келген туристерге көмектесті, - деп хабарлайды Tengritravel.kz тілшісі Маңғыстау облысы ПД баспасөз қызметіне сілтеме жасап.

8 қазанында Жетібай–Шетпе тасжолында патрульдік полиция ротасының инспекторларына шетелдік турист әйелдер көмек сұрап жүгінген.

Олар Малайзиядан Бозжыраның табиғи көрінісін тамашалауға келген. Туристердің айтуынша, олар жол бойындағы санитарлық орынға аялдаған кезде ұялы телефондарын жоғалтып алған.

Полицейлер жедел әрекет етіп, көрсетілген орынға барып, жоғалған телефонды табуға көмектесті. Шетелдіктер жеке заттарын қайтарып алып, көрсетілген көмек үшін алғыс білдірді.

Сурет: Маңғыстау облысы ПД баспасөз қызметі

Саяхат қызықтары мен пайдалы ақпаратты Instagram және Facebook парақшаларынан оқи аласыз!