Миланнан Алматыға тікелей рейс маусымда ашылады

"NEOS әуе компаниясымен Алматы және Милан қалалары арасында халықаралық әуе рейстерін ашу туралы келісім жасалды. Милан - Алматы - Милан бағытындағы тұрақты әуе рейстері осы жылдың 12 маусымынан басталады деп күтілуде. Жолаушылар тасымалы әр аптаның дүйсенбі және бейсенбі күндері Boeing 737 және 787 әуе кемелері арқылы жүзеге асырылмақ", - делінген хабарламада.

Италияға кірген кезде туристер елдің денсаулық сақтау жүйесінің жергілікті органдары берген вакцина паспортын ұсынуы керек. Құжат 9 ай бұрын аяқталған вакциналаудың толық курсын немесе үдеткіш дозамен вакциналаудың толық курсын растауы керек. Сондай-ақ, турист алты ай бұрын COVID-19-дан қалпына келтіру туралы құжатты ұсына алады.

Аталған екі құжатқа балама ретінде Италияға кірерден 72 сағат бұрын жасалған ПТР-тесті немесе 48 сағаттан кешіктірмей жасалған антиген тесті жарамды. Алты жасқа дейінгі балалар тестерден босатылады. ПТР-тест және вакцина паспорты болмаған жағдайда турист бес күнге оқшауланып, осы мерзім аяқталғаннан кейін антигенге немесе ПТР-тест тапсыра алады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!