Міндет - АҚШ-қа тікелей рейстер ашу. Майкл Дэниел Қазақстанның авиациялық әкімшілігінің басшысы болды

Майкл Дэниел. Фото: .me/caa_kaz

Қазақстанның Авиациялық әкімшілігінің жаңа басшысы тағайындалды. Бұл қызметке Майкл Дэниел келді, - деп хабарлайды Tengri Travel.

Қазақстанның Авиациялық әкімшілігінің жаңа басшысы тағайындалды. Бұл қызметке Майкл Дэниел келді, - деп хабарлайды Tengri Travel.

Толығырақ мәліметті Азаматтық авиация комитеті хабарлады.

4 мамырдан бастап "Қазақстанның авиациялық әкімшілігінің" бас атқарушы директоры болып Майкл Дэниел тағайындалғаны нақтыланды.

Майкл Дэниелдің бейінді авиациялық білімі бар, ол Эмбри-Риддл аэроғарыш университетін (АҚШ) "аэронавтика" мамандығы бойынша тәмамдаған және азаматтық авиация саласында 40 жылдан аса тәжірибесі бар.

"Жаңа басшының алдына қойылған басты міндеттердің бірі – Қазақстаннан АҚШ-қа тікелей рейстер ашу", - деп түсіндірді ААК.

Анықтама: Кәсіби қызметін АҚШ-тың Федералдық авиация басқармасында (FAA) бастаған, онда ұшу пайдалану инспекторы, әуе кемелерін сертификаттау жөніндегі маман және ұшу қауіпсіздігі жөніндегі басшы секілді негізгі лауазымдарды атқарған. FAA-ның халықаралық кеңселерінде жұмыс істеген, соның ішінде Сингапур мен Бейжіңдегі (2006–2009) кеңселерді басқарып, шетелдік жөндеу станцияларын қадағалап, қауіпсіздікті бағалауды жүргізген. Сонымен қатар APEC көлік қауіпсіздігі және авиақатынас жөніндегі жұмыс тобын қоса алғанда, халықаралық бастамаларға жетекшілік еткен, Халықаралық азаматтық авиация ұйымымен (ИКАО) тығыз жұмыс істеген.

Қазақстаннан Нью-Йоркке рейс

Қазақстандықтардың Нью-Йоркке (АҚШ) тікелей рейстердің ашылуын күтіп жүргеніне бірнеше жыл болды. Комитетте Нью-Йоркке тікелей рейс ашудың қазіргі жай-күйі де айтылды.

"АҚШ-қа рейстерді орындау мақсатында Federal Aviation Administration бағдарламасы аясында CAT1 санатын алу талап етіледі. Қазіргі уақытта аталған санатты алу бойынша жұмыс жүргізіліп жатыр. Сонымен қатар, Қазақстандағы ұшу қауіпсіздігінің жай-күйіне техникалық бағалаудан сәтті өту үшін жыл аяғына дейін Air Astana әуекомпаниясының паркіне Boeing 787-9 әуе кемелерін жеткізу күтіліп отыр", - деді ведомстводағылар.

Бұған дейін көлік вице-министрі Мақсат Қалиақпаров журналистерге министрлік тарапынан барлық құжат дайын екенін айтқан болатын.

"Премьер-министрдің тиісті тапсырмасы бар. Boeing-ті күтіп отырмыз", — деді ол.

Егер ұшақтар күзде Жапония бағыты бойынша келсе, Нью-Йоркке рейс жыл аяғына дейін іске қосылады деп күтуге бола ма деген нақтылауға, Қалиақпаров "иә" деп жауап берді.

Тағайындау Авиация рейс