Сайранда қоршаулар алып тасталды: суға түсуге бола ма?

Әлеуметтік желілерде Сайран су қоймасы жағалауындағы қоршаулар алып тасталғаны туралы ақпарат пайда болды. Жағдайға Алматы қаласы Қоғамдық кеңістіктерді дамыту басқармасы пікір білдірді, - деп хабарлайды Tengrinews.kz тілшісі.

Видео

Threads-те Сайрандағы қоршаулардың алынғаны жайлы жазба жарияланды.

"Көрініс керемет. Енді судың жанында серуендеуге болады", – деп жазды бейнеролик авторы.

Видео кадры/Threads

Басқарма не дейді?

Бұл жағдайға қатысты пікір алу үшін Алматы қаласы Қоғамдық кеңістіктерді дамыту басқармасына жүгіндік.

"Алматы Полиция департаменті орнатқан турникеттер алынды", – деп хабарлады ведомство.

Сонымен қатар, Сайранға шомылуға әлі де тыйым салынғаны нақтыланды. Аймақты қайта жаңғырту жұмыстары жалғасып жатыр.

"Бүгінде Сайран су қоймасының аумағын абаттандыру нысаны пайдалануға берілген жоқ", – деп мәлімдеді басқарма.

Сілтемесіз жаңалық оқисыз ба? Онда Telegram желісінде парақшамызға тіркеліңіз!