Шымбұлақта аспалы жол істен шығып, ішінде 21 адам қалып қойған

Бүгін теңіз деңгейінен 3200 метр биікте орналасқан "Шымбұлақ" тау-шаңғы курортында "Комби-2" аспалы жолы тоқтап қалды, - деп хабарлайды Tengrinews.kz тілшісі.

Алматы қаласы ТЖД құтқарушылары, ТЖМ РЖҚЖ және курорттың қызметкерлері шұғыл түрде кабинада қалған 21 адамды альпинист құрал-жабдығымен түсірген.

"Талғар асуында қалған 100 шақты қонақ қауіпсіз жерге эвакуацияланды. Ыстық сусындар мен жылынатын орындар ұсынылды. Зардап шеккендер жоқ", - деп жазылған Алматы ТЖД хабарламасында.

Аспалы жол уақытша жұмыс істемейді, қалпына келтіру жұмыстары жүргізіліп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!