Шымкентте әуежайдың жаңа терминалы ашылады

Шымкентте әуежайдың жаңа терминалы ашылады, - деп хабарлайды Tengritravel.kz тілшісі.

Бұл туралы әуежай өкілдері Instagram-дағы ресми парақшасында хабарлады. 25 желтоқсанда жаңа жыл қарсаңында әуежайдың жаңа терминалының техникалық ашылуы өтеді.

"Алғашқы кезеңде терминалда SCAT әуекомпаниясының күндізгі ішкі рейстері қызмет көрсетеді. Жақын арада Air Astana және Fly Arystan әуекомпанияларының рейстері де осы терминалға ауыстырылмақ.

Қазіргі таңда халықаралық әуекомпанияларымен тарифтер мен ынтымақтастық мәселелері бойынша келіссөздер жүргізіліп жатыр. Халықаралық сектор мен транзиттік аймақ келесі жылдың басында ашылады деп жоспарланып отыр", - делінген хабарламада.

Жаңа терминалдың іске қосылуы көршілес елдермен және Франция, Германия, Қытай, Үндістан, Пәкістан, Мысыр, Вьетнам, Оңтүстік Корея сияқты Еуропа және Азия мемлекеттерімен әуе қатынасын кеңейтуге мүмкіндік береді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!