Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Экономиканы дамытуға Ұлттық қордан жыл сайын 3 миллиард доллар бөлінеді

11 Қараша 2014, 13:55
0
©РИА Новости
©РИА Новости

Президент Нұрсұлтан Назарбаев Қазақстан халқына арнаған Жолдауында алдағы үш жыл ішінде Ұлттық қордан жыл сайын 3 миллиард долларға дейін қаржы бөлуге өкім етті, - деп хабарлайды Tengrinews.kz тілшісі "Нұр Отан" партиясы саяси кеңесінің кеңейтілген отырысынан.

"Елдің бұл жиналған қаражаты халықтың әл-ауқатын жақсартуға бағытталуы керек, біздің оны үнемдеуіміз қажет. Бұл жағдайда Ұлттық қордан 2015, 2016, 2017 жылдардағы кезеңге жыл сайын 3 миллиард долларға дейін қосымша бөлу қажеттігі туралы мәлімдеймін", - деді Президент. 

Мемлекет басшысы Ұлттық қордың басты міндеті елдің тұрақты әлеуметтік дамуын қамтамасыз ету мен экономиканы сыртқы жағымсыз факторлардан сақтау екенін атап өтті. "Әлемдік экономикадағы ахуал сондай, дағдарыс жағдайында мемлекеттің қосымша қаржылық шығыстарынсыз алға қойған мақсаттарға жету қиын. Дәл қазір бізге қор резервтерін пайдаланатын сәт туды", - деді ол. 

Ол Үкіметке Ұлттық қордан қаржы бөлу жөнінде бір апта мерзім ішінде тиісті шешімді дайындауды және 2015 жылға арналған республикалық бюджет жобасында барлық қажетті қаражатты ескеруді тапсырды. "Үкіметке бұл қаражатты тиімді, мақсатты түрде пайдалануды қамтамасыз ету жөнінде қажетті шараларды қолға алуды тапсырамын. Мен бұл мәселе жөнінде құрған комиссия қаражаттың тиімді жұмсалуын қатаң қадағалап, маған жеке баяндап отыратын болады. Әр теңгенің сұрауы болады. Қаржының өз мақсатына жұмсалуын бақылау бойынша барлық деңгейдегі әкімдер мен "Нұр Отан" партиясы филиалдарына ерекше жауапкершілік жүктеледі. "Нұр Отан" бұл жұмысқа белсенді түрде қатысуы керек", - деді Назарбаев. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай