Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қазақстан Президенті бензин бағасының көтерілуіне қатысты пікірін айтты

07 Қыркүйек 2015, 14:23
13
© Тұрар Қазанғапов
© Тұрар Қазанғапов

Қазақстан Президенті Нұрсұлтан Назарбаев Ақмола облысына жұмыс сапары барысында БАҚ өкілдеріне бензин бағасының көтерілуіне қатысты пікірін айтты, - деп хабарлайды Тengrinews.kz тілшісі.

"АИ-92-95 бензинінің 30 пайызын біз Ресейден сатып аламыз. Егер біз олай істемегенде (ҚР үкіметінің бензин бағасын реттеуден бас тартуы - Авт.), бізде бір айдан кейін бензин мүлде болмайтын еді", - деді Мемлекет басшысы.

"Бұл экономика заңдары, оған ештеңе істей алмайсың, теңестіру қажет (жағдайды), ал біз ортақ (экономикалық) кеңістіктеміз: кеден жоқ, шекара ашық. Сондықтан шара қолданып, барлығына түсіністікпен қарауға тура келеді. Егер адам 100 мың долларға жол талғамайтын көлік сатып ала алса, онда жанармайды да дұрыс құйсын", - деді Нұрсұлтан Назарбаев.

Айта кетейік, Қазақстанда бензин бағасын реттеуден бас тартылды. Үкіметтің мұндай шешімі өткен аптада жарияланды. Астанада өткен брифингте премьер-министрдің бірінші орынбасары Бақытжан Сағынтаев үкіметтің жанар-жағармай нарығындағы тапшылықтың алдын алу мақсатында АИ-92 маркалы бензиннің бағасын мемлекеттік реттеу саласынан шығару бойынша шешім қабылдағанын мәлімдеді.

Сонымен қатар, ҚР энергетика министрі Владимир Школьник Қазақстанда АИ-92/93 маркалы бензин бағасының 140-150 теңгеге жетуі мүмкін екенін хабарлады.


Нравится
Поделиться
Пікірлерді көру (13)
Оқылып жатыр
Талқыланып жатыр
Бүгін
Апта
Ай