Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

ҚР Энергетика министрлігі толлингпен өндірілетін мұнайдың салық жеңілдігі мерзімін ұзартуды ұсынды

07 Қазан 2014, 18:41
0
Фото © РИА Новости
Фото © РИА Новости

Қазақстан Республикасының Энергетика министрлігі толлинг операциялары бойынша қарастырылған салық жеңілдіктері мерзімін ұзартуды ұсынды, - деп хабарлайды осы құзырлы мекеме басшысы Владимир Школьникке сілтеме жасаған Tengrinews.kz тілшісі.

"Толлинг жүйесі бойынша (шетелдік шикізатты өңдеп, қайтадан кері қайтару) ұсынылған салық жеңілдіктері мерзімін ұзартуға қатысты заңнамалық деңгейде тағы бір мәселе бар. Қазақстанда жыл сайын болатын 1,2-2 миллион тонна ашық түсті мұнайөнімдерінің тапшылығы Ресей Федерациясынан келетін импорт мұнайөнімдері арқылы жабылып отырады. Импорт мұнайөнімдеріне тәуелділіктен құтылудың бірден-бір жолы - мұнайды елдің сыртында өңдеу. Сондықтан осындай толлинг операцияларын жүзеге асыру үшін салық заңнамасына өзгеріс енгізіліп, салық бойынша түсетін салмақ мұнайды өңдеушілер мен оны жеткізушілерге теңдей бөлінген болатын. Сөйтіп Қазақстаннан тыс өңдеу ел ішіндегі өңдеумен теңестірілген. Алайда бұл өзгеріс 2014 жылдың соңына дейін өз күшін сақтайды. Ал 2015 жылдан бастап толлинг жүйесі кен игерушілер үшін экономикалық тұрғыда тартымсыз болып қалады", - деді Школьник Қазақстандағы мұнай-газ саласын дамытуға арналған Мәжіліс комитетінің бірінде өткен кеңейтілген отырыста.

Сондай-ақ министр еліміздегі мұнай өңдеуші зауыттарды модернизациялау жұмысы 2016 жылдың соңына белгіленгенін ескертуді ұмытпады. Ал 2017 жылдың аяғына шейін бұл зауыттардың толыққанды жұмыс істеп кетуіне әзірлік жасалады. "Барлық зауыттардың жұмысын тұрақтандыру мақсатында қазіргі нарықтағы тапшылықтың көлемін азайтып, жағдайды жақсарту үшін заңнамада көрсетілген салық жеңілдіктері мерзімін 2017 жылдың аяғына дейін ұзарту туралы министрлік ұсынысын қабылдауды мен қатты өтінер едім" деді ол.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай