Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

ҚР ҰБ қазақстандықтарды алдағы демалыста валютаны сатпауға және сатып алмауға шақырды

27 Тамыз 2015, 16:26
3
© Тұрар Қазанғапов
© Тұрар Қазанғапов
© Тұрар Қазанғапов
© Тұрар Қазанғапов

Ұлттық банк қазақстандықтарды алдағы демалыс күндері валюталық операциялар жасамауға шақырды, - деп хабарлайды Тengrinews.kz тілшісі. Бұл туралы бүгін Астанада ақша-несие саясаты мен қаржы нарығындағы жағдайға байланысты өтіп жатқан брифинг барысында Ұлттық банк өкілі мәлімдеді.

"Жұма күні кешке KASE бойынша бағам белгілі болады, ал айырбас пункттері осы бағам бойынша саудаласады. Конституция күнін тойлауға байланысты ұзақ демаламыз. Айырбас пункттері мерекеге орай банктердің жұмыс істемейтінін пайдаланып, пайда табуды көздейді. Сондықтан да біз қажеттілік туындамаған жағдайда долларды сату, сатып алудан бас тартуға шақырамыз", - деді брифинг барысында Ұлттық банк төрағасының орынбасары Нұрлан Құсайынов.

Өз кезегінде Ұлттық банк төрағасы орынбасарларының бірі Олег Смоляков қазіргі уақытта доллар бағамы бойынша түрлі болжамның бар екендігін, алдағы демалыс пен алдағы аптада оның қандай болатынын айтты.

"Бұл бағалаудың диапазоны өте үлкен: біреулер 230 болады деп жатыр. Ресей рублі 1:5 болады деп жатқандар да бар, бұл осы бағам бойынша рубль 350 теңге болады деген сөз. 400 теңге немесе одан да жоғары болатыны жайлы да айтылды. Өздеріңіз көріп отырғандай, доллар бағамы болжамдардан да жоғары, яғни 240 теңге болып шықты", - деді Олег Смоляков.

"Еркін ауытқу бағамына өткен кезде де күтпеген жағдайлар болды. Ол болжанған диапазоннан асып кетті. Яғни бағам туралы айтылған болжамдарға сенбеңіздер", - деді Ұлттық банк төрағасының орынбасары Олег Смоляков.

Айта кетейік, бүгін KASE таңғы сессиясы бойынша доллар бағамы 241,76 теңгеге тең болды. Осылайға, доллар кешегі сессияға қарағанда 2,23 теңгеге арзандады.


Нравится
Поделиться
Пікірлерді көру (3)
Оқылып жатыр
Талқыланып жатыр
Бүгін
Апта
Ай