22 сәуір 2014 13:07

"Нұр Отан" бизнеспен бірлесіп жұмыс істейді

ПОДЕЛИТЬСЯ

Фото sud.ua сайтынан Фото sud.ua сайтынан

"Нұр Отан" партиясы мен Ұлттық кәсіпкерлер палатасы бизнес кедергілермен күрес барысындағы бірлескен іс-қимыл Жоспарына қол қойды, - деп хабарлайды Tengrinews.kz тілшісі.


"Нұр Отан" партиясы мен Ұлттық кәсіпкерлер палатасы бизнес кедергілермен күрес барысындағы бірлескен іс-қимыл Жоспарына қол қойды, - деп хабарлайды Tengrinews.kz тілшісі.

"Біздің бүгінгі міндетіміз Елбасының тапсырмасына сәйкес, нормативтік құқықтық базадағы кәсіпкерлікке кедергі келтіретін олқылықтарды жою болып табылады. Азаматтардың бизнеспен айналысуына, жаңа істерді ашуға, жер телімдерін иеленуге кедергі болатын мәселелердің барлығы біздің кездесулерімізде айтылып жүр. Ендігіде, осы бағыттағы жұмысты бірлесе жандандырамыз", - деді бүгін "Нұр Отан" фракциясының жетекшісі Дариға Назарбаева фракция Президиумының кеңейтілген отырысында.

Оның айтуынша, аталған бірлескен іс-қимыл жоспарында отандық бизнестің кедергілерін жоюға қатысты басты 13 пункт белгіленіп отыр. Осыған орай, "Нұр Отан" фракциясы мен кәсіпкерлердің ұлттық палатасы осы бағытта жұмыс істеп, Үкіметке ұсыныстар жасап, заң жобаларына бастамашылық ететін болады. Бұдан бөлек, "Нұр Отан" фракциясы Кеден одағы аясында қазақстандық бизнесті одан да тереңірек қорғау туралы Ұлттық кәсіпкерлер палатасының бастамаларын да қолдайтын болады.

"Елбасының жүктеген тапсырмаларын орындау үшін біз бұған қатысты барлық құралдарды пайдаланамыз. Бұл ретте Ұлттық кәсіпкерлер палатасының құрылуы аса маңызды қадам болды. Өйткені, палата бизнестің проблемаларын барынша жан-жақты білетін әрі осы саладағы басты сарапшы орган болып отыр. Палата Үкіметпен қоса Парламенттегі фракциямен де белсенді жұмыс жасайды. Сондықтан да, Мәжілістегі басым көпшілікке ие болып отырғандықтан біздің бұл саладағы жұмысымыз нәтижелі болады деп айта аламыз", - дейді Д. Назарбаева.

Фракция басшысының айтуынша, алдағы уақытта мәжілісмендер Ұлттық кәсіпкерлер палатасымен бірлесе отырып, бизнестегі кедергілерді жоюға бағытталған бірқатар заң жобаларын дайындауға кіріседі.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети