1. Басты
  2. Біл
  3. Экономика
  4. Нарық

Трамп мұнай бағасына соққы жасайды деген қаулы дайындап жатыр - БАҚ24 сәуір 2017, 10:47

© REUTERS © REUTERS

АҚШ президенті Дональд Трамп осы аптада АҚШ жағалауындағы аумақтарда мұнай мен газ шығару туралы қаулығы қол қоймақшы. Бұл туралы Politico басылымына әкімшіліктің жоспарларымен таныс дереккөздер хабарлаған, - деп жазады РИА Новости.

Басылымның мәліметінше, Трамп 32 қаулыға қол қоймақшы. Олардың бірі ел жағалауындағы аймақтарда газ бен мұнай үшін оңтайлы жерлерді шолуға арналады. Сондай-ақ, осы ресурстарды дайындауға қатысты нақтыланған нұсқамалар туралы болады. Қаулыларға қол қойылса, бұл қайраңда мұнай мен газ ұңғымаларын бұрғылаудың бірінші қадамы болады.

Алайда Барак Обама өзінің президенттік қызметінің соңында Атлант мұхиты мен Аляска жағалауындағы аумақтарда мұнай мен газ ұңғымаларын бұрғылауға тыйым салған болатын.

Айта кетейік, Астана уақыты бойынша сағат 10.15 -те Brent маркалы мұнайдың бағасы барреліне 52,2 доллар болды.


Елордада IT-кеңес құрылды