Павлодарда Естай музейі ашылды

01 Қазан, 14:49
0
Павлодарда Естай музейі ашылды -

Павлодар қаласындағы Естай атындағы мәдениет сарайының екінші қабатында Естай Беркімбайұлының музейі ашылды, - деп хабарлайды "Павлодар жаңалықтары".

Портал мәліметінше, бұл жерде Естай бабамыздың қолжазбалары, шығармалары мен шығармашылығына қатысты құжаттар жинақталған. Қалалық мәдениет және тілдерді дамыту бөлімінің басшысы Самал Бегалинова айтып өткендей, бұл игілікті іс "Рухани жаңғыру" бағдарламасы аясында жүзеге асқан. 

Мұражайдың ашылу салтанатына қатысқан белгілі әнші, Қазақстанның еңбек сіңірген әртісі, мемлекеттік "Дарын" сыйлығының иегері, халықаралық байқаулардың лауреаты Бақтияр Тайлақбаев осынау шараны қолға алған қала басшылығы мен мәдениет және тілдерді дамыту бөліміне алғысын білдірді.

"Бүгін мен үшін қуанышты күн. Неге десеңіз, дәл қазір Павлодарда айтулы рухани-мәдени мереке өтуде. Естай бабамыздың әндерін тыңдап өсіп, кейін сахнада айтып жүрдік. Естайдың әндері менің репертуарымда ерекше орын алады", - дейді Бақтияр Тайлақбаев.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай