Еркек тұрып, әйел сөйлегеннің несі айып?
"Хабар" арнасында жаңа маусымда жарық көрген "Бенефис-шоуға" байланысты пікірлердің дені жүргізушілерге байланысты болып отыр. Бағдарламаның тізгінін Қарақаттың ұстауы кейбіреулерге жақпаған тәрізді.
Енді еркекпіз ғой! "Бөріктінің намысы бір". Қыдырәлінінің үйде ғана емес, эфирде де билік жүргізгенін қалаған болармыз. "Әлін білмеген әлек" әнші-жүргізушілерден шаршаған өз басым, алғашында бұл бағдарламаға да күдікпен қарағаным рас. "Біз журналистиканы оқыған жоқпыз, біз халық деген университетте оқыдық" деп алғашқы бағдарламада-ақ беттерін ашып алған бұл жұптың жүргізушілік қадамдары маған ұнады.
