Air Algerie 112 жолаушысы бар ұшағымен байланысты жоғалтты

24 Шілде 2014, 16:10
0
Air Algerie 112 жолаушысы бар ұшағымен байланысты жоғалтты - ©Wikipedia.org
©Wikipedia.org

Air Algerie әуе компаниясы өзінің 112 жолаушысы бар бір ұшағымен байланысты үзіп алғанын мәлімдеді, - деп хабарлайды AFP. Жолаушылар ұшағы Буркина-Фасодан шыққан.

"Әуе навигациясы қызметтері Air Algerie компаниясының Уагадугуден Алжирге бет алған ұшағымен байланысты жоғалтып алды", - деп хабарлады әуе компаниясының өкілдері. Байланыс ұшақ әуеге көтерілгеннен 50 минуттан соң үзілген. РИА Новости Algerie1 жаңалықтар порталына сілтеме жасап, A320 лайнерімен байланыс үзілгенін хабарлады. Ұшақтың бортында, кем дегенде, 112 жолаушы болған. Бейресми мәлімет бойынша, жолаушылардың төртеуі ғана - Алжир азаматы.

Ал AFP-ның мәліметінше, жоғалып кеткен ұшақ - AH5017. Моделі - McDonnell Douglas DC-9, ол 135 адамға дейін тасымалдай алады. Жолаушылар ұшағы португалиялық фирмадан жалға алыныпты.

Соңғы кездері жолаушылар ұшағы апаттарының жиілеп кеткенін айту керек. 23 шілде күні Тайваньда TransAsia Airways компаниясының бортында 58 адамы бар ұшағы апатқа ұшыраған еді. Соңғы мәліметтер бойынша, құрбан болғандардың саны - 48 адам.

17 шілде күні Украинада Malaysia Airlines компаниясының Амстердамнан Куала-Лумпурге бағыт алған жолаушылар ұшағы құлап түсті. Борттағы 280 жолаушы мен экипаждың 15 мүшесі түгел қаза болды. Киев билігі ұшақты елде көтеріліс жасап жатқан халық жасақтары атып түсірді деп мәлімдеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай