Асқар Мамин экономиканың өсу қарқынын үдетуді тапсырды

16 Сәуір, 16:53
0
© primeminister.kz
© primeminister.kz

ҚР премьер-министрі Асқар Мамин экономиканың өсу қарқынын үдетуді тапсырды, - деп хабарлайды Тengrinews.kz тілшісі премьер-министр сайтына сілтеме жасап.

ҚР премьер-министрі Асқар Маминнің төрағалығымен өткен Үкімет отырысында биылғы І тоқсандағы еліміздің әлеуметтік-экономикалық дамуының және республикалық бюджеттің орындалуының көрсеткіштері туралы ҚР премьер-министрінің бірінші орынбасары - қаржы министрі Әлихан Смайылов, ҚР ұлттық экономика министрі Руслан Дәленов баяндады.

Күн тәртібінің мәселесі бойынша ҚР Ұлттық банкінің төрағасы Е. Досаев, "Самұрық-Қазына" ҰӘҚ" АҚ басқарма төрағасы Ахметжан Есімов сөз сөйледі, сондай-ақ Ақмола облысының әкімі Ермек Маржықпаев пен Нұр-Сұлтан қаласының әкімі Бақыт Сұлтановтың баяндамалары тыңдалды.

ҚР премьер-министрі 2019 жылғы 10 сәуірде Елбасы Нұрсұлтан Назарбаевтың төрағалығымен өткен Қауіпсіздік кеңесінің отырысы туралы айтып өтті. Еліміздің биылғы І тоқсандағы әлеуметтік-экономикалық даму қорытындылары қаралды.

"Қаңтар-наурызда ЖІӨ 3,8 пайызға өсті. Құрылыс, сауда, тау-кен өнеркәсібі, көлік саласы экономиканың басты өсу қозғаушылары болды", - деді Мамин.

2019 жылғы І тоқсандағы ҚР негізгі макроэкономикалық даму көрсеткіштері:

негізгі капиталға инвестициялар көлемінің өсімі - 7 пайыз;

биылғы 2 айда сыртқы сауда көлемі 7,5 пайыз өсті;

2019 жылдың 3 айында инфляция 1,3 пайыз болды;

жұмыссыздық деңгейі - 4,8 пайыз.

Негізгі көрсеткіштер бойынша І тоқсанда Шығыс Қазақстан, Қостанай, Атырау, Павлодар және Қызылорда облыстары жақсы нәтижелерге жетті.

"Жыл қорытындысы бойынша оң көрсеткіштерді қамтамасыз ету үшін негізгі капиталға, құрылысқа және басқа да секторларға салынатын инвестицияларды одан әрі өсіру бойынша жұмысты күшейту керек, - деді ҚР Үкімет басшысы. - Сондай-ақ, орталық және жергілікті атқарушы органдар бюджет қаражатын уақытылы әрі толық игеру жөнінде шаралар қабылдауы керек".

ҚР премьер-министрі Асқар Мамин әлемдік экономика өсімінің бәсеңдеуі және халықаралық сарапшылардың оның қарқындарының 2018 жылы 3,6 пайыздан 2019 жылы 3,3 пайызға дейін төмендеуі туралы болжамдары жағдайында экономиканың инклюзивті және сапалы дамуына көңіл бөлу қажеттігін айтты.

Белсенді дамушы елдердің сәтті тәжірибесі көрсеткендей, экономиканың орнықты дамуы негізгі капиталға инвестициялар көлемін үнемі сандық әрі сапалық арттыру есебінен қамтамасыз етілуі қажет екенін көрсетті.

"Инвестициялық саясатта таза тікелей шетелдік инвестицияларды тарту басымдық болуы тиіс", - деді Мамин.

Биыл 18 сәуірде шетелдік инвестицияларды тарту бойынша жаңа тәсілдерді ұйымдастыру туралы мемлекеттік органдардың басшылары және жергілікті атқарушы орган өкілдерінің қатысуымен кеңес өтеді.

"Барлық қабылданған мемлекеттік бағдарламалар барынша тиімді әрі толық көлемде іске асырылуы тиіс", - деді ҚР премьер-министрі Асқар Мамин.

Орталық және жергілікті мемлекеттік органдар экономика өсімі қарқынын күшейтуге барлық күш-жігерді жұмсауы қажет. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай