Қазақстанда мың теңгелік банкнот жаңа дизайнмен айналымға шықты

12 Желтоқсан 2014, 16:11
0
Қазақстанда мың теңгелік банкнот жаңа дизайнмен айналымға шықты - ©nationalbank.kz
©nationalbank.kz

Қазақстанда дизайны өзгертілген 1000 (бір мың) теңгелік банкнот айналымға шықты, - деп хабарлайды Tengrinews.kz тілшісі Ұлттық банктің баспасөз қызметіне сілтеме жасап. 

"ҚР Ұлттық банкі туралы" заңына, ҚР Президентінің жарлығымен бекітілген Қазақстан теңгесі – ұлттық валюта банкноттары мен монеталары дизайнының тұжырымдамасына сәйкес, Ұлттық банк басқармасының "Дизайны өзгертілген номиналдық құны 1000 (мың) теңге банкнотты айналымға шығару туралы" қаулысын басшылыққа ала отырып, Ұлттық банк 2014 жылғы 1 желтоқсаннан бастап дизайны өзгертілген мың теңгелік банкнотты айналымға шығарды деп хабарлайды", - делінген хабарламада.

Дизайны өзгертілген мың теңгелік банкнот мөлшері 134х70 мм қағазда дайындалған. Беткі жағында сары-қоңыр түс басым, бейнелер тігінен орналасқан. Негізгі бейнелер банкноттың оң жағында бейнеленген, олар "Қазақ Елi" монументі және төменгі жағында ортада ұшып жүрген көгершіндердің бейнесі бар. Жоғарғы бөлігінде мемлекеттік елтаңба және
мемлекеттік ту бейнеленген. Сол жақ төменгі және жоғарғы бөлігінде номиналдың цифрлық белгісі мен сол жақ ортада номиналдың мемлекеттік тілдегі әріп белгісі басылған. 

"Номиналдың сырт жағындағы да басым түс - сары-қоңыр, басым бейнелер көлденеңінен орналасқан", - дейді Ұлттық банк мамандары. Онда Батыс Қазақстандағы Үстірт шоқысы, артқы жағында Қазақстан картасының контуры бейнеленген. 

Еске сала кетейік, ҚР Ұлттық банкі өткен жылы да 1000 теңгелік банкноттың дизайны өзгерген нұсқасын айналымға шығарған еді. Бұл банкнот "Күлтегін" түркі жазба ескерткішіне арналды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай