Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Қазақстанда теңгенің долларға қатысты бағамы төмендеді

13 Мамыр 2015, 14:04
1
© Ярослав Радловский
© Ярослав Радловский

Қазақстанда теңгенің долларға қатысты бағамы төмендеді, - деп хабарлайды Tengrinews.kz тілшісі ҚР Ұлттық банкінің баспасөз қызметіне сілтеме жасап.

Баспасөз қызметінің мәліметінше, 2015 жылы сәуірде теңгенің АҚШ долларына қатысты айырбастау бағамы номиналдық көрсеткіш бойынша 0,1 пайызға әлсіреді. Сәуірдің соңында теңгенің ресми бағамы және теңгенің биржалық бағамы бір АҚШ доллары үшін 185,8 теңге болды.

Сонымен қатар, 2015 жылы сәуірде қосымша сауда-саттықтардағы мәмілелерді қоса алғанда, Қазақстан қор биржасындағы биржалық сауда-саттықтың көлемі 2015 жылғы наурызбен салыстырғанда 70,4 пайызға ұлғайғаны белгілі болды.

"Сауда саттықтың көлемі ұлғайып, 5,8 миллиард АҚШ долларын құрады. Биржадан тыс валюта нарығындағы операциялар көлемі 2015 жылғы наурызбен салыстырғанда 1,4 пайызға өсіп, 2015 жылғы сәуірде 0,5 миллард АҚШ долларын құрады. Жалпы алғанда ішкі валюта нарығындағы сауда-саттық көлемі 2015 жылғы наурызбен салыстырғанда 62,2 пайызға ұлғайып, 6,3 миллиард АҚШ долларын құрады", - делінген банктің хабарламасында.

Еске сала кетейік, бұған дейін Fitch Ratings халықаралық рейтинг жасау агенттігі 2015 жылғы 26 сәуірге белгіленген президенттік сайлауды өткізгеннен кейін теңге құнсыздануы мүмкін деген мәлімет таратқан болатын. "Біз президенттік сайлауды өткізгеннен кейін теңгенің ары қарай құнсыздануы мүмкін деп есептейміз. Ел басшысы бір ресейлік рублге 3,5-4,5 теңге дәлізін қолайлы деп атаған болатын, бұл 2014 жылдың соңындағы айырбастау бағамымен салыстырғанда 13-тен 45 пайызға дейінгі долларға шаққандағы әлеуетті құнсыздануды болжайды", -делінді агенттіктің жасаған шолуында.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай