Кешкі саудада доллар бағамы 1 теңгеге көтерілді

01 Қыркүйек 2015, 17:35
0
Кешкі саудада доллар бағамы 1 теңгеге көтерілді - © Тұрар Қазанғапов
© Тұрар Қазанғапов

KASE кешкі сессиясы бойынша доллардың 1 қыркүйектегі бағамы 239,69 теңгеге тең, - деп хабарлайды Tengrinews.kz тілшісі. Еске сала кетейік, KASE күндізгі сессиясының қорытындысы бойынша доллар бағамы 2015 жылдың 1 қыркүйегінде 238,68 теңгеге тең болды. Кешкі сессияға валюта нарығының 10 мүшесі қатысты. Сауда көлемі 10,5 миллион доллардан асты. Сағат 11.30-дан 17.00 аралығында өткен кешкі сессия 241 теңге бағаммен басталды. Келісімдегі ең төменгі баға - 238,4 теңге, ал ең жоғарысы - 241,05 теңге.

Экономист Олжас Құдайбергеновтің айтуынша, KASE доллар бағамының ақша айырбастау пункттері үшін заңды күші жоқ. "Олар соңғы сауданың қорытындыларына қарайды. Ол көрсеткіштер шеңберінде 2 теңгелік диапозонмен белгіленеді. Мысалы сауда 241 теңгемен өтсе, тарату 240-242 теңгемен жүзеге асады. Заңнамалық тұрғыда олар KASE ізімен жүруге міндетті емес, бірақ 2 теңгелік диапазонды сақтаулары тиіс", - деді ол. Сонымен қатар, оның айтуынша, валюта нарығындағы құбылмалы кезеңде ақша айырбастау пункттері қиындыққа тап болады. "Бағам 230-дан 240-қа дейін құбылып тұрғанда ақша айырбастау пункттері қандай бағамды қоюды білмей, таратуды кеңейтеді. Бұл негізінен құқық бұзушылық. Бірақ олар не істей алады?", - деді ол.

Еске сала кетейік, күндізгі сессияда доллар бағамы 238,68 теңге болды. Келісім көлемі 46,35 миллион доллардан асты. Сауда доллардың 237 теңгеге тең бағамымен басталды. Келісімдегі ең төменгі баға - 237 теңге, ал ең жоғарысы - 239,5 теңге. Таңғы сессия бойынша доллар бағамы 234,94 теңге болған еді - жұма күнгіден төмен.

Айта кетейік, 2015 жылдың 20 тамызында ҚР Үкіметі Ұлттық банкпен бірігіп, теңгенің еркін ауытқу бағамына өту туралы шешім шығарды. Мұнда инфляциялық таргеттеу режимінің негізіндегі жаңа ақша-кредит саясатын жүзеге асыруға өту, валюта дәлізін алып тастап, еркін ауытқу дәлізіне өту туралы сөз болып отыр. Мұндай шешім әлемдік экономикадағы жағымсыз факторлардың күшеюінің негізінде қабылданған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай