Ұлттық банк айырбас пункттерінде гривнаның болмауына қатысты түсінік берді

22 Желтоқсан 2014, 13:29
0
Ұлттық банк айырбас пункттерінде гривнаның болмауына қатысты түсінік берді - ©Tengrinews.kz
©Tengrinews.kz

Ұлттық банк Қазақстанның ақша айырбастау пункттерінде, әсіресе, Алматы қаласында украин ақшасының болмауына қатысты түсінік берді, - деп хабарлайды Tengrinews.kz тілшісі. Айта кетейік, бұған дейін БАҚ Қазақстан ақша айырбастау пунктері украина гривенін сатпайды да, сатып алмайды да деп хабарлаған болатын.

Ресми сауалға Ұлттық банк "Заңды тұлғалар қандай валютамен жұмыс істегісі келсе, сол шетелдік валютаны таңдай алады, сонымен қатар, қолма-қол ақшаны айырбастай алады", - деп жауап берді. "Қазақстанның қазіргі валюталық заңнамасына сәйкес, жұмыс істеуге тиімді, қолма-қол шетелдік ақшаны айырбастауға құқылы заңды тұлғаларға шетелдік валюта қолданысына шектеу қойылмайды", - деп хабарлады Ұлттық банк.

Банк мәлімдемесіне сүйенсек, Қазақстанның ақша айырбастау орындары ішкі валюта нарығында сұранысқа ие валюта түрлерін ғана айырбастайды. Ереже бойынша қазақстандық банктер корреспонденттік қарым-қатынас жасайтын елдердің валютасымен жұмыс істейді. Ұлттық банктің хабарлауынша, егер заңды тұлға банктік саладан болмаса, шетелдік валюталар қатары аймақтық ерекшеліктерге қарай өсуі мүмкін, себебі мұндай ақша айналымы жеке өңірлерде ақша айырбастау операциясы арқылы кіріс әкеледі. "Сондықтан Қазақстанның ақша айырбастау пункттерінде украин гривнасының болмауын бұл валютаның ұсынымы мен сұраныстың аздығымен түсіндіруге болады", - деп түсіндірді Ұлттық банк қызметкерлері. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай