Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Ұлттық банк басшысы қазақстандықтарды доллардағы депозиттерге қатысты сабырға шақырды

16 Наурыз 2016, 12:51
1
© REUTERS
© REUTERS

ҚР Ұлттық банкі шетел валютасындағы депозиттерді алуға немесе аударуға қандай да болсын шектеулерді енгізбейді, бұл туралы Ұлттық банк басшысы Данияр Ақышев Ақтөбе қаласында өткен баспасөз мәслихаты барысында мәлімдеді, - деп хабарлайды Tengrinews.kz тілшісі.

"Экономиканың долларлану деңгейін төмендету ұзақ және аса күрделі міндет болып табылады, оны өзара байланысты шаралар кешенін және Үкімет пен Ұлттық банктің ғана емес, сонымен қатар экономиканың барлық субъектілерінің бірлескен күшін пайдаланған кезде ғана ойдағыдай іске асыру мүмкін болады", - деді Ақышев.

Оның айтуынша, соңғы екі жылда ұлттық валютадағы депозиттердің тартымдылығын арттыру үшін "Қазақстанның депозиттерге кепілдік беру қоры" АҚ ұсынған ең жоғары мөлшерлемелер халықтың теңгедегі депозиттері бойынша 9 пайыздан 14 пайызға дейін кезең-кезеңмен көтерілді, ал шетел валютасындағы депозиттері бойынша жылдық 4,5 пайыздан 2 пайызға дейін төмендеді.

Ол халықтың теңгедегі депозиттері бойынша кепілдік беру сомасы 5 миллион теңгеден 10 миллион теңгеге дейін ұлғайғанын мысалға келтірді. "Еркін өзгермелі бағамға өткеннен кейін халықтың ұлттық валютамен ашылған депозиттері бойынша бағамдық айырманы өтеу тетіктері әзірленді, - деді Қазақстан Ұлттық банкінің төрағасы. - Сондай-ақ, осы валютадағы кірісі жоқ жеке тұлғаларға шетел валютасымен ипотекалық қарыздар беруге алты айға тыйым салу, сондай-ақ банктерді шетел валютасымен қарыздар беруге қатысты қосымша капиталды қалыптастыру қажеттілігі арқылы ынталандырмау шаралары енгізілді".

Сонымен қатар, Ұлттық банк төрағасының орынбасары Алпысбай Ахметов өтемақы берілетін жеке тұлғалардың арнайы есеп шоттарындағы соманың 2016 жылы ақпан айының соңында 69,5 миллиард теңге болғанын мәлімдеді. Оның мәліметі бойынша, өтемақының болжамды сомасы 73,6 миллиард теңге.

Ол сонымен қатар, екінші деңгейлі банк салымшыларына төленетін өтемақы сомасының бағамға байланысты болатынын да атап өтті, 2016 жылдың 30 қыркүйегіндегі, 2016 жылдың 31 қазанындағы, 2016 жылдың 30 қарашасындағы бағам қарастырылады. Сонымен қатар, төлем жүргізілетін күн депозиттің қайта рәсімделген күніне де байланысты болады, 2016 жылдың 10 қазанына дейін, 2016 жылдың 10 қарашасына дейін және 2016 жылдың 10 желтоқсанына дейін.


Нравится
Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай