1. Басты
  2. Біл
  3. Экономика
  4. Қаржы-қаражат

Ұлттық валютаның долларға қатысты бағамы аздап түсті09 ақпан 2016, 11:26

© Тұрар Қазанғапов © Тұрар Қазанғапов

9 ақпанда KASE таңғы сессиясының қорытындысында доллар бағамы 360,39 теңгеге тең болды, - деп хабарлайды Tengrinews.kz тілшісі. Бұл кешегі сессияға қарағанда бір теңгеге жоғары.

Таңғы саудада алғашқы келісім 359,5 теңгемен жасалды. Валютаның ең төменгі құны - 359,2 теңге, жоғарысы 365 теңге болды. Сессияда сауда көлемі 46,5 миллион доллардан асты. Ақша айырбастау орындары шетел валютасын 359-363 теңге аралығында саудалап жатыр.

Айта кетейік, 8 ақпанда мұнай арзандай бастаған еді. Кешегі саудада Brent маркалы мұнайдың баррель құны 33,31 доллар болса, WTI мұнайының баррелі 29,99 долларға дейін түсті.