+7 (777) 001 44 99
ПОДЕЛИТЬСЯ
Ресейдегі Қазақстан елшісі Марат Тәжин Ресей президенті Владимир Путинге сенім грамотасын тапсырды. Дипломатиялық құжатты табыстау рәсімі Мәскеудегі Кремльдің үлкен сарайында өтті.
Ресейдегі Қазақстан елшісі Марат Тәжин Ресей президенті Владимир Путинге сенім грамотасын тапсырды. Дипломатиялық құжатты табыстау рәсімі Мәскеудегі Кремльдің үлкен сарайында өтті.
"Қазақстан Республикасы - біздің басты әріптесіміз және стратегиялық одақтасымыз. Екі жақты және халықаралық күн тәртібіндегі барлық сала бойынша Қазақстанмен өзара қарым-қатынасымыздағы ашықтық пен сенімділікті жоғары бағалаймыз. Ресей мен Қазақстан арасындағы келісімде айқындалып көрсетілгендей, ХХІ ғасырдағы тату көрші және одақтастық бойынша Астанамен барлық бағытта әріптестікті өрістетуге мүдделіміз. Біздің ортақ мүддеміз еуразиялық интеграция процестерін алға жылжытуда, 2015 жылдың 1 қаңтарында іске кірісетін Еуразиялық экономикалық одақты құруда тоқайласады" - деді өз сөзінде Ресей президенті.
Владимир Путин шетел мемлекеттері, соның ішінде Қазақстан өкілі де бар ресми шарада Ресейдің басты әріптестік бағыттарына қысқаша тоқталды. Ресей президенті диалог пен әріптестікті ары қарай жылжытуға, сондай-ақ осы бағытта барлық мүмкіндікті пайдалануға мүдделі екендігін де айтты.
Сенім грамоталары - бір елдің дипломатиялық басшысына куәлік ететін және шет мемлекетте аккредитацияланғанын білдіретін құжат. Сенім грамотасына дипломатиялық өкілді белгілеген мемлекет басшысы қол қояды, сөйтіп ол сыртқы істер министрі қолымен бекітіледі. Ол елші барған мемлекеттің басшысына салтанатты түрде табыс етіледі. Құжатта өз мемлекетінің басшысы және үкіметі атынан елші айтқан сөздерге сенім білдіру керектігі сұралады.
