Омбы зауытындағы сүтке шомылу дерегі бойынша қылмыстық іс қозғалды

04 Сәуір 2014, 13:50
0
Омбы зауытындағы сүтке шомылу дерегі бойынша қылмыстық іс қозғалды - ©Vk.com
©Vk.com

РФ Тергеу комитеті Омбы ірімшік зауытынада сүтке шомылғандарға қатысты қылмыстық іс қозғады деп хабарлайды РИА Новости комитеттің ресми өкілі Владимир Маркинге сілтеме жасап.

Оның айтуынша, кәсіпорын қызметкерлерінің бірі интернетке шығарған видеодан "жігіттердің сүт ваннасында шомылғаны және антисанитариялық жағдайда ірімшік былғап жатқаны" көрінеді. "Тергеудің нұсқасы бойынша "Сыроедово", "Адыгея" сауда белгілерімен "Чечил" ірімшігін өндіретін сүт өңдеу кәсіпорнында санитарлық-эпидемиологиялық талаптар өрескел бұзылған", - деді Маркин.

Еске салайық, Омбы ірімшік зауытының қызметкерлері цехтағы сүт толы ваннаға шомылып, сол жерде түсірілген фотосуреттер мен бейнежазбаны интернетке орналастырған болатын. Үстінде ішкиімі ғана бар жігіттердің лас жағдайда ірімшік жасап жатқаны түсірілген бейнежазба көпшіліктің жаппай наразылығын туғызды. 3 сәуір күні зауыт 40 күнге жабылды, мұның алдында "Роспотребнадзор" өндірісті тоқтатуға шешім шығарған болатын.

Сот отырысында прокуратура өкілі Омбы зауыты өнімін тұтынушылардың түрлі жұқпалы ауруларды, соның ішінде, соз жұқтыруы мүмкін екенін айтты. Ал компания қожайыны Аркадий Плетюк өз жұмысшыларының сүтке шомылғанын жоққа шығарды. Оның уәжіне қарағанда, жұмысшылар өндірістік ваннаны жууға арналған ақ түсті технологиялық сұйықтыққа шомылған.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай