1. Басты
  2. Біл
  3. Өмір
  4. Шоу-бизнес

Сиви Махмудидің атышулы лаунж-бары жабылып тынды14 маусым 2017, 12:00

"Sivi" лаунж-бары. © Лариса Черненко "Sivi" лаунж-бары. © Лариса Черненко

Белгілі әнші Сиви Махмудидің лаунж-бары тұрғындардың шуға байланысты көптеген шағымынан кейін жабылып қалды, - деп хабарлайды Tengrinews.kz тілшісі.

Көңіл көтеру мекемесі орналасқан үйдің тұрғындарының бірі Лариса Черненко таяуда әкімдік пен полицияның қызметкерлері келгенін айтты. 

"Алаң алып тасталып, лаунж-бардың өзі жабылды. Бүгін жабылғаны туралы тақтайшаны суретке түсіріп алдым", - деді ол Tengrinews.kz тілшісіне.


© Лариса Черненко

Өз кезегінде лаунж-бардың директоры Абай Бекжұманов мекеменің шын мәнінде жабылғанын растады. "Иә, көптеген шағым түсті, өз еркімізбен жаптық. Енді ашылмайды", - деді ол телефон арқылы.

 
Сиви Махмуди, ашық дереккөздерден алынған сурет

Еске салайық, әнші бұл көңіл көтеру мекемесін туған күніне сыйлыққа алған болатын. Осыдан кейін-ақ тұрғындар шағым түсіре бастаған. Жергілікті тұрғындардың айтуынша, мұнда таңға дейін музыка ойнайды, адамдар шулайды. Ал кейін лаунж-бар әкімшілігіне 1,1 миллион теңге айыппұл салынған еді.