Jah Khalib сахна төрінде астаналық қыз бен жігіттің "некесін қиды"

05 Тамыз 2018, 13:38
0
Jah Khalib сахна төрінде астаналық қыз бен жігіттің "некесін қиды" -

Қазақстандық танымал рэпер Jah Khalib Астанада өткен жеке шығармашылық кешінде Абай есімді жігіттің сүйген қызына сөз салуға ерекше мүмкіндік жасап берді, - деп хабарлайды Tengrinews.kz тілшісі. 

Концерттің орта тұсында рэпер сахна төріне Ақторғын Алтынбекованы шақырып, махаббат үшін неге дайын екенін сұраған. Мұндайды күтпеген қыз бала абдырап қалған. Осы сәтте оның жігіті Абай Құсайынов бір құшақ гүлімен саханаға көтеріліп, жүрек жарды сөздерін айтқан. 

Рэпер жарасымды жұпты сахна төріне шығарып, оларға ән арнады. 

"Ұят болғанымен де, елдің көзінше сүйіскен қандай ғажап", - деп әзілдеді әнші көрерменнің қолдауымен. 

"Мен шынымды айтсам қазір ғана сезініп отырмын.Саханада мен... не болғанын түсіне алмадым, түскеннен кейін жылап жібердім. Еріндерім әлі де дірілдеп тұр. Мен өте бақыттымын", - деді Ақторғын. 

Жігіт осы ұсынысты жасауға төрт ай бойы дайындалғанын айтады. 

"Мен ұзақ уақыт бойы жоспарладым, өз сезіміңді жасыру қиын екен. Ол менің өмірімдегі ең ғажап кездескен адамым", - деді Абай, қалыңдықты құшақтап. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай