АҚШ-тан келген EXPO көрмесінің еріктісі: Қазақстанда өз махаббатымды кездестірдім

03 Тамыз 2017, 16:02

Еріктілер Қаулан Құсайынхан мен Джулия Маклейн Лос-Анджелестен Астанаға осыдан бір ай бұрын келген, - деп жазады Astanaexpo.tv. Оларға EXPO-2017 көрмесінде жұмыс істеу ұнағаны соншалық - тағы бір ай қаламыз деп отыр.

Қаулан Құсайынхан - ұлты қазақ, Қытайда дүниеге келген, қазіргі уақытта АҚШ азаматы болып саналады. Ал Джулия Маклейн - АҚШ-тағы антропология университетінің студенті. Олар осыдан алты жыл бұрын Қазақстанда танысып, жарты жыл бұрын Калифорнияда үйленген.

Айта кетейік, Қаулан мен Джулияның қазақша еркін сөйлеуі көрмеге келушілерді таң қалдырып жатыр. Джулия тіпті бір жыл бойы қазақ тілін меңгерген екен.

"Мен Қазақстанға 6 жыл бұрын келгенмін, сол кезде-ақ бұл жерге ғашық болдым. Онымен қоса, бұл менің жұбайымның тарихи атамекені. Сол үшін бұл жерге келіп, үлкен іс-шараның бір бөлшегі болу мен үшін бақыт", -дейді Джулия.