+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
29 жастағы Даулет Иманжанов Астанадағы балақайды құтқару сәті туралы айтып берді, - деп хабарлайды Tengrinews.kz тілшісі.
29 жастағы Даулет Иманжанов Астанадағы балақайды құтқару сәті туралы айтып берді, - деп хабарлайды Tengrinews.kz тілшісі.
Бірнеше ер адамның биік ғимараттан құлап кете жаздаған баланы құтақру сәті түсірілген видео Желіде жылдам таралып жатыр. Instagram желісіндегі budnikz парақшасында жарияланған видео екі сағтта 14 мың рет қаралған.
Баланы құтқару үшін "ГАЗель" көлігін үйге тақап қойған ер адамдардың әрекетіне Желі қолданушылары ризалығын білдіруде. Көліктің биіктігі жетпегендіктен жігіттердің бірі екіншісінің иығын басып тұрып, үшінші қабаттан баланы түсіріп алған.
Дәулет Иманжановтың сөзінше, оқиға 10 маусымда болған. Ол өзінің 25 жастағы досы Азамат Тоқтамысовпен бірге 18/3 мекенжай бойынша орналасқан үйге жұмыспен келіп, баланың қауіпті жағдайда екенін байқап қалған.
"Досым екеуміз жүк тасымалдаймыз. Аулаға кіргенде баланы қолымен тосып алмақ болған екі ер адамды байқадық. Біз бірден бардюрді басып өтіп, көлікті тақадық. Оның есімін білмеймін, ер адамның иығына шықтым. Баланы терезеден алып шыққанда досым баланы тосып алды", - дейді Иманжанов.
Оның сөзінше, қыз бала масаларға қарсы торды итеріп тастап, аяғын салбыратып отырған. Ата-аснасы үйде болмаған.
"Терезеге шығып, аяғын салбыратып отырды. Әбден жылаған. Баланы түсіріп алдық. Көршілерден қай пәтерде тұратынын білдік. Ер адам ата-анасын тапты. Кейін анасы келді. Ары қарай күтпедік, жұмыстарымызбен кеттік. (...) Мен ақ футболкада болдым, баланы тосып алған досым", - деп аяқтады ол.
