"Азия MIX", "Камызяки" және "Каzахи" командалары Астанада чемпиондар кубогына таласады

18 Наурыз 2017, 12:00
0
"Азия MIX", "Камызяки" және "Каzахи" командалары Астанада чемпиондар кубогына таласады -

КВН ойындары чемпиондарының жазғы кубогы Астанада өтеді, - деп хабарлайды Tengrinews.kz тілшісі Астана қалалық Мәдениет, мұрағаттар және құжаттама басқармасына сілтеме жасап.

Қазақстандық шоумен, "Астана.KZ" командасының қатысушысы Малик Хасенов Instagram желісіндегі парақшасында чемпиондардың жазғы кубогының Астанада 1 шілдеде өтетінін жазған. Хасеновтың айтуынша, кубок үшін "Азия MIX" (Бішкек), "Камызяки өлкесінің құрамасы", "Пятигорск қаласы" мен "Каzахи" командалары таласады.

"Орындалды! Елімізде болмаған жоба іске асырылды! КВН ойындарының 56 жыл тарихында Жазғы кубок алғаш рет Астанада 2017 жылы өтеді! 2017 жылдың 1 шілдесінде "Қазақстан" Орталық концерт залында ойынның түсірілімдері басталады! Жазғы кубокка "Азия MIX" (Бішкек), "Камызяки өлкесінің құрамасы", "Пятигорск қаласы" мен "Каzахи" командалары таласады. Қызық болады! Қолдау көрсетіп, сенгендеріңізге рақмет!", - деп жазды Малик Хасенов Instagram желісіндегі парақшасында.

Астана қалалық мәдениет басқармасындағылар бұл мәліметті растады. Ведомство мәліметінше, іс-шара EXPO-2017 көрмесінің аясында ұйымдастырылған. Кешті Александр Масляков жүргізеді. Сондай-ақ, Астанаға КВН ойындарының әдеттегі қазылар алқасының келетіні айтылады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай