1. Басты
  2. Біл
  3. Өмір
  4. Бір үзік

Жас келіншек сегіз айлық қызын бір жігітке "сыйға тартты"

©РИА Новости ©РИА Новости

Павлодарлық жас келіншек сөз салып жүрген жігітімен бірінші рет кездесуінде оған сегіз айлық қызын қалдырып кетті, - деп хабарлайды Tengrinews.kz тілшісі Павлодар облыстық ІІД баспасөз қызметіне сілтеме жасап. Полиция өкілдерінің айтуынша, қыз жігітпен танысып, ол оны кездесуге шақырады. Қыз бірінші кездесуге сегіз айлық сәбиін және оның киімі салынған қап әкеледі.

"Бір сәтте қыз сәбиін көтере тұруды сұрайды. Ер адам келіседі. Ол қызын жігіттің қолына ұстатқан бетте қабын тастай салып, қашып кетті", - деді Павлодар облыстық ІІД баспасқөз қызметінің жетекшісі Баян Мағзұмова. Ер адам таныс қызының келуін күтпей, полицияға барып тастанды бала туралы айтып берген.

Департамент өкілдері осы дерекке "Кәмелетке толмаған баланы тәрбиелеу жөніндегі міндеттерін орындамау" бабы бойынша қылмыстық іс қозғалғанын хабарлады. Полиция мәліметі бойынша, баласын бөтен адамға тастап кеткен ананың аты-жөні анықталды. Ол - Екібастұз қаласының 19 жастағы тұрғыны. ІІД өкілдерінің айтуынша, қазіргі уақытта ол іздестіріліп жатыр. Мағзұмова тастап кеткен ананың аты-жөнін қаптың ішіндегі киімдердің арасында кездейсоқ қалдырылған банк картасының арқасында анықталғанын айтты. Полиция мәліметінше, қазіргі уақытта сәби балалар орталық ауруханасында. Оны дәрігерлер қарап, денсаулығына еш зиян келмегенін айтты.